Automobileko gidariak bihurgunea hartzeko gidagailuari eragiten dionean, abiadura bektorearen norabidea aldatuz doa aldiunetik aldiunera. Eta gidariak azeleragailuari sakatzen dionean, aldatu egiten da abiadura bektorearen modulua.

Abiaduraren aldaketa gertatzen denean, modulua izan zein norabidea izan, azelerazioa dago.

Abiadurarekin gertatzen den bezala, batez besteko azelerazio eta aldiuneko azelerazioaren artean desberdindu beharko dugu.

Batez besteko azelerazioa

Irudian ikus daitekeen bezala, t₁ aldiunean, posizio bektorea duen A₁ puntutik pasatzen den higikaria  abiaduraz  ari da higitzen, eta t₂ aldiunean, posizio bektorea duen A₂ puntutik pasatu da  abiaduraz.

Denbora unitateko abiadurak izan duen aldaketari, , batez besteko azelerazio bektorea deritzo, . Bektore honen ezaugarriak honakoak dira:

• MODULUA: abiaduraren aldakuntza eta igarotako denbora tartearen arteko zatidurarekin bat dator. SI sistemako azelerazio-unitatea metro segundo karratuko (m/s²) da.
• NORABIDEA: irudian ikus daitekeen bezala, abiadura bektorearen aldakuntzarekin bat dator.
• NORANZKOA: abiaduraren aldakuntza bektorearen berdina.

Aldiuneko azelerazioa

Aldiuneko abiadurarekin gertatzen zen bezala, gero eta denbora tarte txikiagoak hartzean, ∆t zerorantz jotzen duenean, alegia, batez besteko azelerazioaren bektorea aliduneko azelerazio bektoreari hurbiltzen zaio t une jakin batean. Bektore horri aldiuneko azelerazio, , esaten zaio.

Eta ondorioz:

Azelerazioaren osagai kartesiarrak hauek izango dira:

Deribatuen propietateetan oinarriturik:

Beraz:

Proposatutako Ariketak

6.- Posible al da une jakin batean higikari baten azelerazioak eta abiadurak modulua eta norabidea berdina, baina aurkako noranzkoa izatea?. Arrazoitu ondo zure erantzuna eta posiblea bada eman ezazu baldintza horiek betetzen dituen higidura baten adibide bat.

7.- Higidura batean  izanik, ziurta al daiteke higidurak iraun duen  ∆t denbora tarte osoan higikariak abiadura bera eraman duela?. Azalpen egokiak eman.

8.- Puntu higikor baten posizioaren koordenatuak denborarekiko hauek dira:

1. Bila itzazu abiadura eta azelerazio bektoreak t=5 denean eta beraien moduluak.
2. Lehenengo bi segundotako batezbesteko abiadura bektoriala eta bere modulua.

9.- Higikari baten posizio bektorea  izanik, aurkitu azelerazioak 10 m/s²-ko balioa hartzen duen denbora unean bere aldiuneko abiadura bektorea eta modulua.