Gai honen hasieran garbi geratu zen bezala, uhin batean energia da garraiatzen dena; uhin harmonikoan kasuan energia hau higiddura harmoniko sinpleari zor zaiona da. Hauxe da jarraian aztertuko duguna. Bide batez, energia hau espazioan zehar nola zabaltzen den ikasiko dugu

Kontsidera dezagun ingurune elastiko batean hedatzen den uhin harmoniko bat. Ingurunearen bibrazioek partikulak harrapatzen dituzte eta higidura harmoniko bat jasaten dute. Uhinaren hedapenean, ikusi genuenez, osziladore harmoniko bakoitzak energia zinetiko eta potentziala daukate, bien batura edozein denbora unetan konstantea izan behar delarik, energiaren kontserbazio printzipioaren arabera. Beraz, garraiatzen den energia ondoko hau izango da:

edota

Kontuan harturik eta erlazioak:

Uhin batean transmititzen den energia uhinaren anplitude eta maiztasunarekiko proportzionalak dira.

Uhinak transmititzen duen energia osoa denbora unitateko uhinaren POTENTZIA emango digu:

Uhinak hedatu egin daitezke gainazal batean edo espazioan. Kasu honetan, ingurunea homogeneoa eta isotropoa bada, iturri edo foku igorleak uhin-fronte esferikoa sortuko du, zentroa foku igorlean egonik.

Uhinen hedapen-norabidea frontearen perpendikularra da, eta abiadura balio berekoa da norabide erradial guztietan.

Atzerapen pixka batez, uhin-higidurak gero eta erradio handiagoko uhin-fronteak sortzen ditu. Hauek guztiek foku zentraletik hartzen dute beren energia, eta energia hori frontearen gainazal osoan zehar banatzen da. Hain zuzen ere, gainazal hori kontuan izanik, beste magnitude berri bat sartu ohi da: INTENTSITATEA.

Uhin baten intentsitatea, uhinaren hedapen norabidearekiko perpendikularki denbora unitatean gainazal unitatea zeharkatzen duen energia da.

Beraz, edota

Aurrean esan bezala, uhina ingurune isotropo batean hedatzen bada uhin esferikoa izango da. Kasu honetan uhinaren intentsitatea fokutik r distantzia batera ondokoa izango da:

Zenbait faktoreren eraginez, fokutik nahikoa aldenduta dauden puntuetara uhinak erabat ahulduta iristen dira eta, ondorioz, antzemanezinak dira. Faktore horien artean INDARGABETZEA eta ZURGAPENA nabarmendu ditzakegu.

Indargabetzea

Kontsidera ditzagun fokutik R₁ eta R₂ distantziara aurkitzen diren bi uhin fronte esferiko. Fronte bakoitzaren intentsitatea hau izango da:

Inguruneak energiarik zurgatzen ez badu denbora unitateko transmititzen den energia konstantea izango da eta ondorioz:

Honek intentsitatea eta fokuarekiko distantziaren karratua alderantziz proportzionalak direla adierazten digu.

Intentsitatea energiaren menpe dagoenez eta hau oszilazioaren anplitudearen karratuarekiko zuzenki proportzionala denez, puntu baten oszilazio anplitudea ere alderantziz proportzionala izango da puntu horren eta uhinaren fokurarteko distantziarekiko.

Uhin esferikoen higiduran uhinaren intentsitatea eta oszilazioaren anplitudea moteltzen joaten dira distantziarekin, oszilazioaren maiztasuna konstante mantentzen bada ere.

Beraz, uhinak ez dira infiniturarte hedatzen ingurunea infinitua izan arren. Aurrean ikusi dugunez fokutik geroz eta urrutiago egon uhinaren anplitudea geroz eta txikiagoa da. Nola esplikatu fenomeno hau?.

Fokutik urruntzen garen heinean agertzen diren uhin fronte esferikoen azalera geroz eta handiagoa da; hau da, partikula kopuru gehiago hasten dira bibratzen. Nahiz eta uhinak transmititzen duen energia osoa konstantea izan, energia hau partikula kopuru handiago batean banatu behar da eta, ondorioz, bakoitzak energia balio txikiagoa jasotzen du, anplitude txikiagoz bibratzen duelarik.

Horrela, uhinaren ekuazioan aldaketa batzuk egin beharko ditugu indargabetzea dela eta:

Zurgapena

Uhina hedatzen den ingurune materiala ez bada erabat elastikoa edota marruskadura indarrak agertzen badira, inguruneak uhinak daraman energiaren zati bat zurgatuko du. Faktore honen ondorioz uhinaren ekuazioa aldatu egin beharko da:

SI-ko unitateak

Aurrean ikusitako magnitudeen unitateak ondorengoak dira:

Magnitudea	Ikurra	Unitatea
Potentzia	P	watt (w)
Intentsitatea	I	w·m-2

Proposatutako Ariketak

9.- Zer dela eta uhin fronte laua duen uhin harmoniko baten intentsitatea konstantea mantentzen da eta uhin esferikoen kasuan, aldiz, aldakorra da?. Ondo esplikatu.

10.- Uhin esferiko baten foku igorlearen potentzia 20 w-koa da. Aurkitu ezazu uhinaren intentsitatea:

1. fokutik 10 cm-ra
2. fokutik 10 m-ra

11.- Partikula batek 10 J-tako energia transmititzen du 5 s bitartean eta era jarraian ingurune elastiko, homogeneo eta isotropo batean. Bibrazioaren anplitudea 2 cm-koa da foku igorletik 10 cm-tara dagoen puntu batean. Kalkulatu:

1. Foku igorletik 50 cm-tara aurkitzen den puntu batean uhin higiduraren anplitudea.
2. Intentsitatea puntu horretan.
3. Foku igorletik zein distantziara da uhinaren intentsitatea aurreko atalean kalkulatutakoaren erdia?

12.- Uhin esferiko baten anplitudea 3 faktoreaz txikiagotzen da, A puntutik 5 m-ko distantziara norabide erradialean hedatzean. Zer distantzia dago A puntu horren eta uhinaren fokuaren artean?